بالفيديو| ضحية أول فيديو تعذيب فى عهد «مرسى» يفجر مفاجأة: المأمور عرض علىَّ رشوة لتكذيب «الوطن»

«محمد»: الضباط قالوا لى: «اللى يشترينا نشتريه» وزوجته: ضباط القسم هددونى بالقبض على
كتب : الوطن تصوير : محمد عمر الأربعاء 02-01-2013 07:11

وتمكنت «الوطن» من التواصل مع المواطن الذى تعرض للتعذيب فى قسم شرطة المقطم، الذى انفردت الجريدة بنشر فيديو الواقعة الخاصة به حصريا، وكشف هويته أمس.

ومن داخل محبسه فى قسم المقطم قال محمد سعيد محمود (سائق، 32 سنة) إنه جرى استدعاؤه من محبسه أمس، وطُلب منه تكذيب ما نشرته «الوطن» والادعاء أن الفيديو «مُفبرك»، وقال: «عرضوا علىّ فلوس ودفع تكاليف المحامى الذى يتولى القضية مقابل إنى أقول إنى مش أنا اللى بتعرض للضرب فى الفيديو وإن الفيديو مفبرك وإن الجريدة هى اللى فبركته، فرفضت، وتوسط بعض الضباط الآخرين فى ذلك، لكنى صممت على موقفى، وقلت للوسطاء: هو الواحد هيموت كام مرة يعنى؟ ومن حقى أن أعيش بكرامة أنا وأولادى».

وأضاف «محمد» أنه تعرض لتهديد مباشر، وأن أحد الضباط قال له صراحة: «اللى هيشترينا هنشتريه واللى مش هيشترينا مش هنشتريه، هتمشى الحكومة دى وهتيجى حكومة تانى وانت قاعد وممكن تختفى فجأة، لكن إذا وافقت اللى انت عايزة هنعمله لك». فيما قالت «رشا»، زوجة «محمد»، وهى أم لطفلين إن ضباط القسم هددوها صراحة بالقبض عليها كعقاب لزوجها.

وروى «محمد» تفاصيل تعذيبه التى ظهرت بالفيديو، وقال إن «الواقعة حدثت مساء يوم 25 ديسمبر 2012، حينما عدت إلى القسم، بعد حضورى كمتهم جلسة استئناف لإحدى القضايا، فاعتدى علىّ مأمور القسم العقيد طارق البدوى ومجموعة أخرى من الضباط بشكل وحشى، مستخدمين العصى والصواعق الكهربية وانهالوا علىَّ بالشتائم، ثم رحّلونى إلى قسم الخليفة كأمانة، ثم أعادونى إلى المقطم مرة أخرى بعد نشر فيديو التعذيب». وأضاف «محمد»: لا أعرف هذا المأمور ولم ألتقِه من قبلُ، لكن تعذيبه لى كان بسبب أننى هددت برفع قضية ضده، بعد تعرض شقيقى أحمد للتعذيب فى نفس القسم، والضابط قال لى «هنعمل فيك زى ما اتعمل فى أخوك يا ابن...»، مشيرا إلى أن واقعة التعذيب أحدثت إصابات فى ظهره وصدره وقدميه.

التعليقاتسياسة التعليقات

  • 1

    بواسطة : mai

    الخميس 03-01-2013 09:11

    تخيل لو البلطجى ده دخل بيتك على ولادك و مراتك هل حتحتاج للشرطه ولا لا

  • 2

    بواسطة : hassan

    الخميس 03-01-2013 09:11

    الداخلية بلطجية. الداخلية بلطجية .الداخلية بلطجية .الداخلية بلطجية . الداخلية بلطجية الداخلية بلطجية.

  • 3

    بواسطة : صحيح شعب فرعوني

    الخميس 03-01-2013 09:11

    الشعب المصري شعب فرعوني كما تعرفون اغلبهم مايجوش الا بالدوس على الدماغ والشرطة لازم تكون شديدة بس في الحق وليس في الباطل واحنا بطبعنا ان شوفنا الشرطة مهزوزة سوف نركبها وندلل رجلينا ............. فاتقول الله في اقوالكم

  • 4

    بواسطة : salah-mosa

    الخميس 03-01-2013 09:10

    ممكن نقرأ الخبر بتروى هو واخوه يعنى مش ملايكه وبعدين استعمال صاعق الكهرباء دليل على انه عمل حاجة فيها خطورة وثانيا بيقولو له اللى يشترينا نشتريه دليل على انه زبون مستديم

  • 5

    بواسطة : للاسف مذال الحكام عملة واحد

    الخميس 03-01-2013 09:10

    اين الرد رئيس الجمهورية علي هذة المهذلة واين الحق وامتا هنحس ان في حد بيجيب حق المظلوم

  • 6

    بواسطة : محمد ونى

    الأربعاء 02-01-2013 18:01

    الى المواطن المصرى رقم 4 اية هو اللى أتغير فى مصر للأحسن علشان تقول اتغير كثير فى مصر وأذا كانت هناك حاجات أتغيرت فأنها أتغيرت للأسوء وهو هو النظام هناك تعذيب وأنفلات أمنى _ هناك بلطجية وسرقات _ هناك تجار ومتعاطى مخدرات على النواصى فى كل شوارع مصر _ هناك زيادة فى الاسعار بدون مراقب _ هناك سرقات فى الدقيق من أفران العيش _ هناك زحام فى المرور _ وتقلى هناك تغيرات كثيرة - ياريت نوضح كل شىء بصورة واضحة لعل المسئولين يقدرو يصلحو حال البلد دية ....

  • 7

    بواسطة : العطة لله

    الأربعاء 02-01-2013 17:46

    النظام متغيرش النظام بقة للاسوأ وحسبى الله ونعم الوكيل فيهم

  • 8

    بواسطة : ام احمد

    الأربعاء 02-01-2013 17:05

    حسبى الله ونعم الوكيل على كل ظالم

  • 9

    بواسطة : ابو نورا

    الأربعاء 02-01-2013 16:53

    والله الواحد ما يقدر يقول غير ربنا ينتقم من الطلمة وبشوفوا اللي بيعملوه في الناس يبقى يتعمل فيهم وفي اهلهم علشان يحسوا بالظلم إللي ظلموهم وربنا على كل شىء قادر

  • 10

    بواسطة : مواطن مصري

    الأربعاء 02-01-2013 16:36

    تغير كثير داخل مصر ولكن هناك ثوابت منها جهاز الداخلية ........ ويتلخص حل أزمة الداخلية فى سبعة حروف وهى (الاعداد) اعداد الضباط ليكونوا حماة الوطن لا بلطجية فى زى موحد مقدس ويجب ان يتعلم الضباط أحكام دينهم وأوامره فى معملة الضعيف والأثير فيتحقق العدل بزراعه (الشرطة)

( صفحة 1 من 2 )الأول<12الأخير
اضف تعليق