ريهام أيمن لمنتقديها بسبب صور ابنها: "اللي مش عاجبه يعمل unfollow"
ريهام أيمن
وجهت الفنانة ريهام أيمن، زوجة الفنان شريف رمزي، رسالة لمنتقديها، بسبب عدم نشرها صورا لابنها، وتعمدها إخفاء وجهه، عن جمهورها، مؤكدة أنها لا تخاف من الحسد وإنما هذا أمر يرجع لها.
ونشرت ريهام، صورة لعائلتها، معلقة: "هو أنا بطلب أشوف ولاد أي حد فيكو أو ولاد أي مشاهير حتى؟ أكيد لأ عشان مش من حقي، لما تحب فنان انت بتحبه هو لفنه و أعماله اللي بتشوفها و لما تحب تشوف صور هتبقي ليه هو مش لولاده".
وأضافت "أنا ابني مش فنان ولا مشهور عشان تحبوا تشوفو صور ليه على صفحتي أنا.. لما يكبر وهو ياخد قرار إنه عايز يبقي مشهور هتشوفو صور ليه على صفحته الشخصية إن شاء الله، لكن أنا مبخفش من الحسد ومفيش حد هيحسد فنان بيحبه بالعكس هيفرحله ويتمناله الخير هو وولاده وده اللي أنا متأكدة منه".
وتابعت "ياريت وأنت بتكتب تعليق لأي فنان حط نفسك مكانه الأول، هتلاقي إن أنت نفسك متقبلش حد يقولك تعمل إيه ومتعملش إيه في حياتك الشخصية، بمعنى أدق الغير فنية، وإن ده الأكاونت بتاعك أنت تنزل اللي أنت عاوزه طالما مش بتضر حد واللي مش عجبه حاجة أو مستفز من شيء بسيطة بس يعمل unfollow أسهل من إنه يكتب تعليق، وربنا يخليلكو ولادكو اللي أكيد كلهم حلوين أوى ويحفظهم لكم دايما من كل شر ويشفي كل الأطفال المرضى ويعين أهاليهم أمين يا رب.. مع حبي واحترامي للجميع#خليك_إيجابي#خليك_متحضر#خطوة_للأمام#كبر_دماغك#متستفزش_بسرعة#متخليش_دماغك_فاضية#انتج#نمي#صحح#علم#عمر#فكر#متزعلش#إدعي_لنفسك#إدعي_لغيرك#إملي_فراغك#حب_الناس#متكرهش_الخير_لغيرك#حب_نفسك#نمي_بلدك ".