لو كنت مكانه: شاب لقى شنطة مليانة فلوس فى الشارع؟
صورة أرشيفية
نور عبدالمهيمن (21 سنة): هوديها قسم الشرطة، وأقول لهم عايزة نسبة، أنا آخد فلوس آه.. بس تبقى حلال.
خلود مجدى (22 سنة): نص الفلوس هعمل بيه حاجة خير، والنص التانى هصرفه على نفسى.
أحمد طنطاوى (24 سنة): حعمل حاجة من الاتنين، لو لقيت فيها حاجة تدل على صاحبها حديهاله، أو حطلعها لله.
محمد ماهر (20 سنة): هوديها لأى قسم وأخلص ذمتى منها، أصل لو أخدتها حتبقى حرام.
محمد المصرى (25 سنة): هروح أقرب جامع وأقول للمنادى يقول إن لو فيه حاجة ضايعة من حد ييجى يسأل عليها فى الجامع ولو لقيت صاحبها هديهاله.
أمنية الشاذلى (22 سنة): حخليها معايا شوية، وبعد كده لو مالقتش صاحبها هوديها لأى جمعية خيرية.
أحمد مصطفى (21 سنة): أنا هدلع نفسى بيهم، ده لو مالقتش فى الأول صاحبها.
محمد سيد (21 سنة): لو أعرف بتاعة مين بجد مش حد طمعان فيها وخلاص هرجعهاله، لو معرفش تبقى حلال عليّا.