"مشكلة كل سنة".. التوقيت الصيفي يربك المصريين: "الساعة كام دلوقتي"
صورة أرشيفية
"هي الساعة اتغيرت؟"، "يعني إيه أصحى الساعة 7 وفجأة يقولولي التوقيت الصيفي جه"، "يعني أنا كده صحيت 8 ولا 6"، "مش عيب والله وإحنا كبار في السن ده كل سنة في اليوم ده نبقى مش عارفين الساعة كام بالظبط"، "الساعة كام دلوقتي ياجماعة؟"، تساؤلات كثيرة انتشرت عبر مواقع التواصل الاجتماعي بين المستخدمين، اليوم، بعد تأخير الهاتف تلقائيا للساعة "ساعة واحدة".
ورغم إلغاء التوقيت الصيفي في مصر، فإن بعض المصريين لا زالوا يقعون في مشكلة تغيير الهاتف الساعة تلقائيا في الساعة الأولى من آخر جمعة في شهر أبريل، ما دفعهم للاستيقاظ مبكرا عن ميعادهم الأساسي اليوم والذهاب إلى عملهم.
وقالت آية محمد، 28 عامًا، إنها ذهبت إلى عملها مبكرا ساعة دون ملاحظة، ولم تكتشف الأمر حتى وجدت نفسها بمفردها في المكان.
فيما اكتشف محمد محمود تغيير الساعة عند أذان الفجر "بصيت على التليفون لقيت الوقت غير اللي متعود عليه، فخدت بالي من موضوع تغيير الساعة ونصحت الناس على (فيس بوك)".