معرفش إيه آخر سؤال
ممكن يكون سأله الحكيم لقمان
ولا إيه حدود الصبر في الإنسان
ولا ليه عزيز القوم هنا بيتهان
لما الغراب النوحي يتعاجب
والبوم يقف يتباهى بالحاجب
والخوف يصير وسط الطيور واجب
ويمامنا يقعد طالب الإحسان
معرفش إيه آخر سؤال اتقال
ولا مين وقع.. ولا مين هناك اتشال
ولا ليه جابولنا نجاسة الأندال
وسابونا سجن غويط بدون سجان
معرفش إيه شكل الحكيم لقمان
لكني عارف كلّ واحد خان