استفتاء الوطن
بعد ما يقرب من ربع ساعة على استفتاء «الوطن سبورت»، عبر صفحته بموقع التواصل الاجتماعي «فيس بوك»، حول «هل تؤيد استمرار كوبر مع المنتخب في حالة الصعود لكأس العالم ؟».
انهالت تعليقات القراء ما بين مؤيد ومعارض مجيبين على الاستفتاء.
فقال محمد الفيشاوي: «لا لازم يمشي كفاية إهانات للكرة المصرية لو روحنا كأس عالم مع الراجل ده هاتبقى فضيحة».
بينما قال محمد السقا: «ولا استمراره في الحياة نفسها ده عاوز عيارين ونخلص مش يسيب المنتخب وبس».
وقال أحد المعلقين من مشجعي نادي الزمالك ويدعى آسم الدياسطي: «حرااااام والله إحنا كزملكاوية بنعاني من الضغط وده هيجيبلنا السكر».
وكتب جمعة النوبي: «حسام حسن أحسن منه ألف مرة لا بد من رحيله»، وأكد خالد علي: «إجماع النهاردة أن كوبر فاشل فاشل فاشل رغم الفوز أتمنى اتحاد الكورة يسحب ويلحق يغير».
وعلق ماهر ناجي: «لا هذا المدرب لا فكر ولا ابتكار بل زاد الطين بلة بالعناد مع أفضل اللاعبين والكل عارف كده الجهاز كله يمشي وأولهم أسامة نبيه وأحمد ناجي».
وقال عيد محمد: «الراجل أشك أن نظره كويس ده مش شايف اللي بيحصل في الملعب ده كبيره يدي محاضرات لمدربين ناشئين»، وأوضح حامد الحسيني «مدرب فاشل والله الله يرحم أيام حسن شحاتة ومكنش عاجبنا وقتها».
وقال أحمد سلطان «تقريبا شكل الشعب المصري هايجيلو سكر من المدرب دا هو معقول يبقى عندنا كل المحترفين دول وبندفع بس هقول إيه أهو يمكن تيجي معه ونخش كأس عالم ونكسر نحس مجدي عبد الغني».
واعترض البعض على ترك كوبر لتدريبات المنتخب، فقال عطية أسامة «طبعا كوبر أكثر من يعرف إمكانيات المنتخب وحسام حسن مدرب لا يصلح للمنتخب»، بينما قال محمد الحسيني حمودة: «طبعا يفضل أحنا مالناش إلا كوبر لو حد غيره اللاعيبه مش هتلعب ونتخطف زى كل تصفيات».
تعليقات الفيسبوك