"الكلمة الطيبة صدقة".."وبعض الكلمات نور وبعضها قبور"..
فيه ناس ما تبخلش عليك بكلمة حلوة.. مش بتكلم على كلام المجاملة وكلام من نوعية يا حبيبتي ويا جميلة اللي مش طالعين من القلب.. بتكلم عن أي كلمة بسيطة بس صادقة نحسها نقوم نقولها ونأكد عليها عشان نسعد اللي قدامنا.. اوعى تبخل بكلمة حلوة لأي حد.. قريب أو بعيد.. الكلام مش مجرد حروف ده لو صادق بيرشق في قلب اللي بتقول له ويملاه فرح ولو للحظة.. والكلمة الحلوة لازم هتلف تلف وترجع لك.