نامي ف حماي
أمنك حداي
وما تشليش هم العدايا
وماتخافيشي من اللي جاي
ما أنا اللي تملي بحميكي
وحامي حمايا على حسك
وأنا اللي تملي بفديكي
فدا الحاجة اللي بتمسك
وأنا اللي حياتي لوصالك
وأنا الجندي اللي متصانك
وأنا اللي عنيا ما بتنزل على العين اللي بصالك
وأنا الشمس اللي ما تغرب في أي مغيب
وأنا السهران على حدودك
عيون الديب
سواعي ف قلبي مختارك دفا وحبببب
وأنا الصدر اللي متقبل
رصاص الغدر مهما يصيب
وأنا اللي عبرت متهابتش نيران أنابيب
وأنا اللي ف لولا وقف النار
لكنت دخلت تل أبيب
أنا اللي شايلك على اكتافي
بقولك اوعي لتخافي
مادام جيشك مربي أسود
مربي أسود مبتخافش قتال ولا موت
أسود حرة ولحوم مرة
يخاف منها العدو برة
بلادي بلادي ما تخافي
وراكي صمود يهز جبال
في ضهرك والله رجالة
في وقت الحاجة دول سندك
ووقت الشدة خيالة
بلادي بلادي يا حرة
فداكي بروحي أعظم فرض
بلادي بلادي ما تخافي
هصون شرفك وأصون العرض
وليه يا بلادي هتخافي
وأنا الخيرة في جنود الأرض
وأنا الجندي اللي ميسلمش
وأنا الروح اللي لو تطلع ٢٠٠ مره متستسلمش
وأنا الفارس وأنا الحارس لأراضيكي
وأنا اللي حياتي مرهونه
بتمن حبي إني أرضيكي
وأنا اللي بدمي هسقيكي
وانا اللي بروحي هفديكي
لأني وهبتلك عمري
وعمر اللي ما هوش عمري فدا ليكي
ده أنا ف عيني أطفالك وكل نساءك الحرة
وأنا اللي بلادي لو نادت
أموت وأنا راضي ميت مرة
دانا العاشق للون شارع
بيضحك ويا طلعة فجر
وأنا العاشق للون نيلك
في طلة وقت البدر
بلادي سلاحي ده الصاحي ومبينامشي
تملي السن فيه حاد مايتلمشي
وعشان تنامي مرتاحة
هغطيكي بحباب رمشي
يا بلادي نادي وهتلاقيني
جيلك ورافع في الهوا راسي وجبيني
نديني تلاقيني قدامك
واقف بطل وسلاحي خدامك
ده أنا اللي بلادي لو نادت بكون حاضر بقول حاضر
يا بلادي إنتي اللي في الخاطر
وخاطرك عندي من حالك
بتحزني يوم بكون سندك
وكون جنبك وأقول مالك
في ليل فيه الظلام حالك
أنا الدم اللي بات سايل على رمالك
وأنا المغوار وأنا اللي غيور
في يوم كان العدو مغرو
وكان فاكر بإني ضعيف
أنا اللي جنيت الحضور
وعديت بالعلم بالريف
وغرست العلم ع الجبهة
وأما العلم رفرف حسيتي بكلمة نصر
وعشان خاطرك يا مصر
هسقي العلم بدماي
وأنام وأنا خدي لترابك
وقول نامي ف حماي
أمنك حداي
وما تشيليش هم العدايا
ومتخافيشي من اللي جاي