رولا خرسا رولا خرسا روليات «15»
الخميس 12-10-2017 | PM 07:40

مش بفهم الناس اللى أما تقول لها "حاسة إن فيه حاجة ناقصاني" ترد عليك: "بس إنت عندك كذا وكذا.. وكذا ليه باصص على اللى ناقصك؟".

اللى يلومك على إحساسك ده رد عليه وقول له: "لأن لو مكانتش الحاجة مهمة مكنتش هاحس إنها ناقصاني ومكانتش هتفرق معايا..".

ببساطة صحيح ربنا ممكن يكون مدينا حاجات كتير بس ناقصنا حاجة، والحاجة دي بتبقى بالنسبة لنا أهم من كل اللى عندنا.. ده مش معناه إننا مش حامدين ربنا على نعمه، بل معناه إننا فعلا محتاجين اللى ناقصنا ومتعشمين إن ربنا يديها لنا.

انا ممتنة لكل حاجة عندى وبحمد ربنا عليها، بس برضه ناقصني حاجات في حياتى بادعى ربنا يبعتها لى.. عمر الامتنان ما يتعارض مع إحساسك باللى ناقصك.

تعليقات الفيس بوك

المقالات الاكثر قراءة

عاجل