في أى مكان فيه شغل فيه 8 حاجات بتبقى عاملة زى السم للناس اللى بتشتغل فعلا فيه، أو للعمل ذاته: 1) الأشخاص اللى بيرموا السموم في أفكار غيرهم، دول بينشروا كل ما هو سلبى وبيخفوا كل ما هو إيجابى.
2) إنه ميبقاش فيه فرصة للتطور، إنه يفضل نفس الشخص بيعمل نفس الحاجة ومش بيتعلم شئ جديد يخليه ينمو ويحس إنه مش بيتقدم في حياته.
3) إنه ميبقاش في رؤية واضحة بتشتغل عليها، بحيث إن كل واحد لما يجى يفكر يدور هل اللى هيعمله هيخدم الصورة الكبيرة اللى عايزنها تتحقق ولا لأ.
4) الوقت الضايع: إنك تعمل اجتماعات أو تخلى الناس تبذل مجهود في حاجة مفيش فائدة أو عائد منها، لازم كل واحد يحس إنك بتقدر وقته جد. 5) وسيلة تواصل سيئة: لو المهمة المطلوبة ما وصلتش للشخص المسؤول في وقت محدد وفي رسالة واضحة، هيضيع وقت الناس في إنهم يقعدوا يخمنوا المهمه إيه؟ وهتبقى فرصة للشائعات، وهتحبس قدرات ناس كانت ممكن تفيدك.
6) إنك تدير المكان بشكل رأسى، يعنى ما تاخدش آراء الناس ويبقى رأيك فقط هو السائد، وتطلب منهم يعملوا كذا وخلاص، ده هيخلى فيه إحباط وحقد، لكن لو فيه تعاون هيزيد اقتناعهم وحبهم للشئ اللى بيعملوه.
7) قلة التقدير: لما يتساوى اللى بيتعب وبيتمرمط باللى مش بيعمل حاجة، لما يفقد اللى بيحقق نتيجة جيدة توقعه لكلمة شكر هيفقد مبالاته بشغله أصلا.
8) إنه يكون فيه قائد سيء: القائد من أهم أسباب نجاح أو فشل أى مكان، لأنه بيشغل كل حواسه في إلهام كل اليى بيشتغلوا وياه.
عموما الأشخاص الجيدة مش بتفضل موجودة لوقت طويل في مكان سيء.