فرض عين
عدى فوق الجتّة فوتى..
«زغرتيلى» وقت موتى..
واكتبيلى فوق تابوتى..
قضّى عمره فرض عين..
قضّى عمره كله يضحك..
بس بردك مات حزين..
إللى شالك فوق كتافه..
وإللى روحك كات هتافه..
إللى قالوا وإللى خافوا..
وإنتى عارفه هما مين..
سمموا الأبدان زيادة..
مصوا دم الشعب عادة..
صلوا للسلطان عبادة..
لمّا كانوا سكرانين..
فكريهم فـ الجنازة..
إن ابنك رغم هذا..
عمره أغلى من الإزازة..
متبيعوش عمره بـ كاسين..
فكرى نفسك بصوته..
والرصاصة فـ وقت موته..
لمّا طالب يوم بقوته..
وأمّا صلى الركعتين..
لما شاف العمر واحد..
آمن إن الرب واحد..
كان فيه جنبه ألف واحد..
كان له م الأرواح روحين..
خطّى فوق الحلم فات..
اكتبوا بكل اللغات..
كان فيه واحد لمّا مات..
مات ورافع فـ الجبين..
إللى خانك عاش فـ حضنك..
وإللى شالك ميتين!!
عدى فوق الجتّة فوتى..
«زغرتيلى» وقت موتى..
واكتبيلى فوق تابوتى..
قضّى عمره فرض عين..
قضّى عمره كله يضحك..
بس بردك مات حزين..
أخبار متعلقة:
مبدعون.. ملحق أسبوعى لإبداعات الوطن
صرخة الدلع المقدس
النظارة السوداء
ديمقراطية الفقراء
رسالة إلى جماعة الإخوان
«ميلوفرينيا»: شباب النور حاولوا إقناعنا بالتراجع عن «أولاد حارتنا».. والقائم بدور الجبلاوى «اختفى» يوم العرض
التطهير قبل التطوير
مش من زمان أوى
عنكبوت
خمس دقائق
قلم حبر
يا قَلْبُ مَهْلا