مش من زمان أوى
يا أول واحدة حبتنى
وأول فيلم ضحكنى
وأول فرحة بكيتنى
وأول بنت توحشنى
وأول لحظة هزتنى
ف أول مرة قولت «وداع»
وأول مرة جالى صداع.. ف أول شعر ألفته
وأول جرح يوجعنى
وأول حضن كان ساعنى
وأول حد ودعنى
وأول حد ودعته
وأول جار زمان عزل
وأول حلم وحلمته
وأول قلب عذبته
وأول صوت بيوحشنى
وأول حب ونسنى
وأول عشق حسسنى
بأول مرة قلبى يدق
وأول مرة أقول «بابا»
وأول علقة من أمى
وأول «واوا» تجرحنى
وأول نقطة من دمى
وأول مرة أنام بدرى
وأول مرة أخاف وأجرى
وأول غنوة بسمعها
وأول دمعة أدمعها
واشيلها شوية ف عيونى
وأول ناس يفارقونى
يا أول كل شىء فاكره
وحشتونى
وحشتونى
أخبار متعلقة:
مبدعون.. ملحق أسبوعى لإبداعات الوطن
صرخة الدلع المقدس
النظارة السوداء
ديمقراطية الفقراء
فرض عين
رسالة إلى جماعة الإخوان
«ميلوفرينيا»: شباب النور حاولوا إقناعنا بالتراجع عن «أولاد حارتنا».. والقائم بدور الجبلاوى «اختفى» يوم العرض
التطهير قبل التطوير
عنكبوت
خمس دقائق
قلم حبر
يا قَلْبُ مَهْلا