الشمس في نهار الشتا
برتقان نعسان وحيد
مفروش على وشوش السكك
بيغني غنوة بصوت عنيد
لو نهار الصبح روح
ليل نزل وبأيده طوح
حبة الأحلام بعيد
هفضل اتسحب ما بينكم
بردانين مِدلكوا أيد
....................................
الشمس في نهار الشتا
راجل عجوز
تسند على كتف السحاب
فـ تروح تغوص
الأرض تبعد عن عينها
تتوحد وتزيد عبوس
والهوا يطفي فيها
وهي شمعة بدون فانوس
..................................
الشمس في نهار الشتا
حالة كسوف
بنت بضفيرة بترتعش فستانها صوف
تغرق مطر
تشتاق حبيبها المُنتظر
اللي اختفى بسبب الظروف
...................................
الشمس في نهار الشتا
وش متبسك حزين
تبقي تايه جوه فكرة
تيجي وتبوس الجبين
قلبك الساكن فـ روحك
يشفي من ألمه وجروحك
يأسك الكافر بحلمك يرتعش ويقول أمين
الشمس ..