رواد بـ"فيس بوك": أشخاص يحطمون بـ"شاكوش" قطعا حجرية من "الأهرامات".. و"الحتة بألف دولار"
صورة أرشيفية
تداول مستخدمون عبر "فيس بوك" بوستات وشهادات عن عمليات بيع قطع حجرية من أهرامات الجيزة مقابل أموال.
وقالت إحدى المستخدمات وتدعى فاطمة عابد: "مصطفى حكى لي إنّ واحد صاحبه كان بيصوّر في الهرم لقى الناس اللي بتصطاد الناس اللي داخلة الهرم بيبيعوا حتت من الهرم بألف دولار الحتة، وكمان بيكسرها بنفسه بشاكوش قدام السايح، عشان السايح يتأكد إنه مابينصبش عليه".
وأضافت: "هو إحنا ممكن يجي علينا يوم نقول لولادنا وأحفادنا وهنا بقى كان في هرم بس خلص".
وعلّق مستخدم يدعى مصطفى يوسف: "الكلام من مدير إنتاج بيصوّر هناك، وقال كمان إنّ بتوع نزلة السمان قالوا ده عشان رزقهم اتقطع بعد الثورة ومعندهمش مصدر دخل تاني".
ومن جانبها قالت مشيرة موسى، المتحدثة الرسمية لوزارة الآثار، إن مثل هذه الفيديوهات يتم تداولها بين الحين والآخر، ولكن شرطة الآثار والأمن المحيطين بالأهرامات يحرسونه جيدًا.