3 «سيديهات» تمثل دليلاً على فقدان النائب للثقة والاعتبار وإخلاله بواجبات العضوية

10:21 م | الاثنين 07 مارس 2016

أرفق النائب علاء عبدالمنعم بمذكرته التى قدمها إلى رئيس مجلس النواب للمطالبة بإسقاط عضوية النائب مرتضى منصور، 3 أسطوانات مدمجة «سيديهات»، تضمنت ما اعتبره النائب دليلاً مادياً على فقدان «مرتضى» للثقة والاعتبار وإخلاله بواجبات عضويته بمجلس النواب، ما يوجب إسقاط عضويته.

الأسطوانة الأولى

المقطع الأول: برنامج «انفراد»

مرتضى منصور يهاجم ثورة «٢٥»

المقطع الثانى:

مرتضى منصور يهاجم ويهدد الرئيس السيسى ويتطاول عليه بقوله: «انت زعلان إن أحمد مرتضى نجح؟ طب ما تزعل».

و«لو قلبت عليك يا سيسى أنا ما بخافش والحساب قادم»، و«تحذير أخير يا سيف اليزل ليك واللى وراك، لو اتكلمت هقلب الدنيا، وعندى كتير، لو اتكلمت هقلب مصر والعالم».

المقطع الثالث:

«لو قلبت أنا ما بخافش من حد وما حدش مجاملنى فى حاجة»

المقطع الرابع: برنامج «انفراد»

مرتضى منصور: «الدستور لا قيمة له عندى»، و«اللى كتب موضوع الإنشا ده (يقصد مقدمة الدستور) المونون ده». و«أنا رأيى إن ثورة ٢٥ يناير دى مؤامرة»، و«ده كلام يتقال على أم كلثوم مش لينا»، يقصد مقدمة الدستور. {left_qoute_1}

الأسطوانة الثانية

المقطع الأول:

برنامج «حصرياً مع ممتاز»

مقطع أن لديه ملفاً لكل مواطن فى مصر واتهام نائبة فى البرلمان بأنها ممولة من أمريكا وبتسلّف الناس وتحبسهم.

المقطع الثانى:

أثناء جلسة البرلمان:

وثبت تدليس النائب على مجلس النواب بقوله كذباً إن مقدم البرنامج قال على شعب مصر: «قال بالحرف إن شعب مصر كلاب مسعورة مأجورة جربانة، والشخصيات العامة فى مصر مأجورة مسعورة وشعب مصر بيطلّع جيل من الكلاب والحيوانات»، وما قرره النائب أمام المجلس فى الجلسة العامة محض كذب وافتراء.

المقطع الثالث:

برنامج «اللعبة الحلوة» مع خالد الغندور

«الدستور لا يمثل عندى جناح بعوضة».

و«أنا أول واحد ضد الدستور ده».

و«أنا بقرف من الريحة الوسخة».

الأسطوانة الثالثة

المقطع الأول

مقطعاً يهاجم فيه أحد مقدمى البرامج مستخدماً ألفاظ «العصاية اتحطت فين يا ولد؟»، و«مراتى كانت بتضربك بالجزمة»، «دانا عنتر ياله» و«انت صاحب شريف إسماعيل (أحد قضاة مصر) اللى كلته علقة معاك اللى ما كانش مختص اللى حبسنى ٣ سنين».

المقطع الثانى:

مقطعاً يهاجم فيه أحد الرياضيين (ميدو) وقال فيه: «هيتربى هو وأبوه» و«لأ، هو وأبوه وأخوه، وأقسم بالله يا ميدو أنا هاخلّى أصغر عيل عندى يضربك بالخرزانة على مؤخرتك»، و«انت يا ولد تتكلم على سيدك مرتضى؟»، ومش هضربك بقى إلا بالجزمة على دماغك ودماغ أبوك»، و«أنا أملك ما خليكش تنزل من بيتك سنة انت وأبوك» و«انت جيت نادى الزمالك وانت لسه عيل بشخة» و«أنا هخليك تنسى اسمك» و«انت بتقول على مرتضى بيه يا كلب يا جزمة قديمة مرتضى منصور؟ ده أنا جزمتى بدماغك انت وأبوك»، و«أبوك اللى باعك ووداك أوروبا وانت عارف اللى بيروح أوروبا فى السن الصغير ده بيحصل له إيه»، و«هكشف عليك وأوديك الطب الشرعى»، و«هتروح الطب الشرعى وحياة أمك»، و«إحنا بنرمم الخرا اللى انت عملته»، و«عملوا معاك إيه فى أوروبا وانت صغير يا ولد، عارف عملوا فيك إيه؟»، و«فى أنهى خرابة سموك ميدو ياله؟»، و«انت بتتكلم عن أمير وأحمد مرتضى منصور؟ دول أسيادك لا سافروا خرابات ولا حد خدهم فى خرابات»، و«طب تحب تتضرب فين يا ميدو؟ فى بيتك ولا فى بيت أبوك؟»، و«ولو انت راجل وأبوك راجل قرّب من نادى الزمالك عشرين كيلو».

النائب علاء عبدالمنعم قال إن كل التسجيلات المرفقة لاحقة على اكتساب مرتضى منصور عضوية مجلس النواب، بما يثبت فقده للثقة والاعتبار والإخلال بواجبات العضوية.