يبدأ اليوم بابتسامتك..
كل بسمة شموس تهل..
نشرب القهوة الزيادة..
سكّرك دايما أقل..
وانتي عارفة..
إني بهمل كل حاجة..
واني دايما ناسي نفسي..
بس دايما تضحكيلي..
لو عملت حاجات تشل..
كلمة بتواسي بمحبة..
تفتح الأبواب في وشي..
حتى لو مش شايلة حل..
كلمة طالعة صادقة جدا..
والقلوب بتحس دايما..
الحقيقي..
واللي إنشا..
لسه بستنى المناكفة..
والمحايلة والمناغشة..
والقصايد والأغاني..
ألف حاجة تحلّي يومنا..
نفتكر لو يومنا عدى..
زي نظرات المودة..
الخناق والإيفيهات..
زي حبك للقرنفل..
زي رغيك من سكات..
وانتظارنا ليوم جديد..
حبنا للعزبي مثلا..
حبنا لرضوى ومريد..
ضحكنا على صُغر سنك..
بكره يبدأ بابتسامة..
تنهي يومي بدعوة منك..
"ربنا يسلم طريقك"..
"كل خطوة تلاقي حب"..
والسعادة وبال يروق..
دنيا صافية..
حلوة زي ريحة القرنفل..
والشروق..