محافظ الدقهلية: إحنا في وقت اللي مبيشتغلش بيتفرم

01:20 م | الأربعاء 01 يونيو 2016

حذر حسام الدين إمام، محافظ ادلقهلية، رؤساء المدن والمراكز بالمحافظ من التكاسل في شهر رمضان، قائلا: "في شهر رمضان تكثر القمامة، وقلة الاهتمام بالنظافة من القائمين على العمل، مفيش حاجة اسمها مش هاشتغل بعد الإفطار، والقانون قال 8 ساعات عمل في اليوم طبقا لحاجة العمل، ولم يحدد وقتهم صباحا أم مساءً".

وأضاف "إمام"، في توجيهاته للمسؤولين: "الناس مرتعشة الأيادي اللي قاعدين في مكاتبهم وبيعطلوا مصالح الناس مالهومش وجود عندي المرحلة الجاية، مفيش حاجة بتستخبى، إحنا في وقت اللي مبيشتغلش بيتفرم، وفي المقابل من يتقي الله في عمله ربنا يوفقه".

وبشأن العمل في رمضان قال: "عاوز القائمين على العمل في الفترة المسائية في رمضان لا تقل عن 70% من حجم العمال، ويمكن أن تبدأ بعد صلاة التراويح، وعمال النظافة والمشرف ورئيس المركز والسكرتير كله يكون في الشارع".