«سعدية» جمعت مصاريف علاجها فى 3 سنوات.. والطبيب: «العملية» خطر

11:18 م | السبت 11 يونيو 2016

بعد أن استطاعت توفير المبلغ اللازم لإجراء عملية «قلب مفتوح» على مدار 3 سنوات قضتها فى صراع عنيف مع المرض، والتردد على معهد القلب، ظنت أن الحياة ستبتسم لها مرة أخرى بعد إجراء العملية، إلا أن رد الطبيب عليها أصابها بصدمة أطاحت بكل آمالها.

{long_qoute_1}

«مش هينفع تعملى العملية عشان سنك كبير وصحتك مش هتستحمل»، رد حوّل حياة «سعدية مبارك مرسى» إلى جحيم، وتقول: «باخد 2100 جنيه معاش أبويا، الدنيا اسودت فى وشى أول ما الدكتور قال لى إن العملية خطر على صحتى، بعد ما وفرت الفلوس وقلت صحتى هترجعلى تانى».

تعانى المرأة الستينية من أمراض القلب وتبلغ قيمة علاجها 250 جنيهاً شهرياً: «القلب بينزل ميّه على المعدة، وبروح أشفطها كل 10 أيام، ببقى مكسوفة وأنا ماشية فى الشارع، كل الناس بتفكرنى حامل وبيستغربوا إزاى أنا عجوزة وحامل».

تعيش «سعدية» فى منطقة «الحطّابة» التابعة لمحافظة القاهرة برفقة ابنها فى غرفة ورثتها عن والدتها، وتوضح: «جوزت عيالى الـ4 وفاضل واد واحد، جيت بيه الأوضة اللى ورثتها عن أمى بعد ما جوزى مات وبدفع لها إيجار 5 جنيهات».

وتقضى السيدة يومها وحيدة، طريحة الفراش لساعات طويلة لا تتحرك حتى يأتى أحدهم ليساندها، وتقول: «ممكن حد من الجيران يخبط عليا يشوفنى محتاجة حاجة أو يسندنى عشان أقوم من السرير».