شد كرسى وهمّ جارى
الكراسى بتحكى أكتر ما تدارى
عن نفوس شبطانة فيها
عن نفوس شيطانة ليها
عن موسيقى لما تخلص
يختلف كل اللى قاعدين ع الكراسى
واللى عينه تموت عليها
فيه كراسى تساع فى زنقة
أو كراسى منط شنقة
أو كراسى فى وش بعض لعشوة حلوة
جاية بعد خصام وفرقة
فيه كراسى تلم شركا
أو سلاح ممسوك فى عركة
واللى بينى وبينه فركة
بكرة يتجمل لغيرى
أو لغيره معدش فارقة
تسرق الروح منه سرقة
شوف يا صاحبى
لو حكينا ع الكراسى راح أقولك
يلا بيننا نمشى أحسن