إحنا الفتافيت
وشظايا الدنيا المبدورة
على كل طريق
حاجة بتتجمع فبتكمل أكبر صورة
زى الموزايك
زى الأطفال أما بتلعب ع الشط الرملى بجرادلها
زى الجنية اللى تصيدك من نفس الشط بتفاصيلها
وتزوروا عوالم مسحورة
فيها مردة وجن وحراسها حبة عماليق
رافضين لو تدخل فتفوتة
حاطين ع الباب قفل وجنازير
وأنا واحد طافح للكوتة
مش هامه العالم ده بسحره
وسماه المرشوشة عطور تخبل
مش هامه يلاقى غير فتافيت
يتوانس بيهم ف اللوحة
وحدودها الأرض اللى دايسها
وآخرها السماوات مفتوحة
ونكون عالم سريالى
أبسط بصحيح
لكنه بيشبع م الفتافيت