نائب لـعبدالعال: مش عاوز أتكلم عشان هتطردني أو تحولني للجنة القيم

كتب: ولاء نعمة الله ومحمد يوسف وهبة أمين ومحمد طارق

06:48 م | الاثنين 29 أغسطس 2016

فاجأ النائب حسام الرفاعي عن محافظة سيناء، أعضاء مجلس النواب، خلال الجلسة العامة، اليوم، المخصصة لمناقشة تقرير لجنة تقصي حقائق القمح، بقوله: "عايز أصرخ وأقول آه يا مصر".

ووجه كلمته للدكتور علي عبدالعال، رئيس المجلس، قائلاً له: "مش عايز أقول كلام، عشان هتطردني أو تحولني إلى لجنة القيم وأقول عن هؤلاء المتورطين في الفساد (ولاد الإيه).

وقال "الرفاعي": "زهرة شباب مصر بيموتوا عشان مصر تعيش، ونقطة دم أي شهيد أغلى من كل هؤلاء الفاسدين، الذين يسرقون دم أولادنا وأحفادنا اللي لسه ما اتولدوش".

وتابع: "منحنا الحكومة الثقة ولا نحمل وزير التموين وحده، ولكن نحمل الحكومة المسؤولية السياسية ونطالب بسحب الثقة من الحكومة كلها والوضع صعب".

واقترح "الرفاعي" تكليف اللجنة التشريعية بإعداد مشروع قانون أوتعديل قانون العقوبات، بما يُغلظ العقوبة في الفساد العام لتصل للإعدام وده يبقى دور المجلس الحقيقي.