حملات «الكروت».. «امسك البياع وسيب التاجر»

07:15 م | الخميس 22 سبتمبر 2016

متلبساً بجسم الجريمة، تم القبض عليه، الشاب الذى لم يكمل العشرين بعد، وجد فى بيع كروت المحمول مهنة تسد احتياجاته وتفى بمتطلباته، وقف ينفذ أوامر صاحب محل خدمات المحمول فى البراجيل، الرجل الذى رفع سعر كروت شحن المحمول بواقع جنيهين لكل كارت، ليتم القبض على حسام حسن العشرى متلبساً، وعلاقته الوحيدة بالأمر هى: «اربط الحمار مطرح ما يقول صاحبه». «حسام» مثل غيره من عشرات الشباب، وجدوا أنفسهم ضحايا حملات رقابية على محال بيع كروت المحمول، لمواجهة جشع التجار، لتأخذ القضية مجراها ويتم تحويله إلى النيابة دون أدنى مساءلة على صاحب المحل.

{long_qoute_1}

الحملات التى فرح لها أبناء المنطقة واعتبروها تغييراً فى سياسة الدولة تجاه تفعيل الرقابة، لم يره «حسن» كذلك، فالرجل يجرى وراء ابنه بحثاً عن مخرج من اتهام ليس مسئولاً عنه «ابنى مش صاحب المحل، مجرد بيشتغل فيه وبينفذ أوامر وبس، وحملة الرقابة لما تأكدت أن المحل بيبيع كروت الشحن أغلى، أخدوا ابنى اللى كان فى المحل وسايبين صاحبه». مخرج قانونى وجده أصحاب المحال للهروب من المساءلة، يشير إليه «حسن» باعتباره أحد ضحاياه «أصحاب المحلات بيخرجوا من الأزمة بأن العمال هما اللى بيغلوا على الزبون، وهو ده اللى حصل مع ابنى حسام، ومفيش أى حاجة تأكد العكس، لأنه مش معلق ورقة بالأسعار الزيادة طبعاً».

محاولات «حسن» لشرح موقف نجله وعشرات آخرين متهمين معه باءت بالفشل، فالقانون واضح، يؤكده محمد أحمد، مفتش بمكتب تموين الجيزة «القبض بيكون على اللى شغال فى المحل لأن هو ده اللى بيبيع بنفسه، لحد ما يتعرض على النيابة وهى اللى تحدد الغرامة والعقوبة تتفرض على العامل ولا صاحب المحل».