«6 أبريل» تدعو المصريين لمشاركتها الاحتفال «انزل وقول كفاية لحكم الإخوان»

شباب وفتيات يطوفون شوارع القاهرة والجيزة حاملين مطبوعات ورقية لتوزيعها على المارة والموظفين فى أماكن عملهم.. «عايز حقك شارك معانا» عنوان الدعوة المرفقة بشعار شباب 6 أبريل، مشددة على التزام البعد عن العنف بكتابة هتاف «سلمية.. سلمية». منشور «6 أبريل» يهاجم نظام الإخوان بتذكير الناس بأضرار مشروع النهضة، فحسب المنشور: قالوا لنا مشروع النهضة.. لاقينا «زيادة فى فواتير الكهرباء والمياه والغاز، وفى كل الأسعار بشكل عام، البطالة زادت، وأسعار الأدوية كمان، مواصلات زى الزفت وأسوأ مما كانت، الناس بتموّت بعضها فى محطات البنزين، عربيات بتتسرق من قدام بيوت أصحابها، بناتنا بتتخطف فى عز النهار، فراغ أمنى فى البلد والداخلية بتحمى مكتب الإرشاد والشارع انقسم نصين»، الحركة الثورية تدعو للاحتشاد غدا السبت 6 أبريل والمشاركة فى المطالبة بحقوق المواطن واستكمال مطالب الثورة. بطريقة جذابة للمواطن.. وفى ذكرى انطلاق الحركة يطرح المنشور عدة أسئلة مكتوبة بالعامية مقتضاها: لإمتى هتفضل ساكت؟ وإنت بقى مين بيدور على مصلحتك؟ ومين هيجيبلك حقك؟ ردا على التساؤلات الثلاثة تُجيب حركة 6 أبريل بعبارة ختامية «وإنت اللى هتجيب حقك بنفسك.. اطلب حقك بنفسك وبسلمية زى ما بدأناها سلمية».. المنشور يتضمن الإيميل ورقم موبايل للتواصل مع شباب الحركة. خالد المصرى، مدير المكتب الإعلامى لحركة 6 أبريل يوضح أن الهدف من المنشورات دعوة الشارع للمشاركة فى اليوم، مؤكدا أنه سيتضمن 4 مسيرات تنطلق من دوران شبرا وإمبابة ومسجد مصطفى محمود والسيدة زينب «أحزاب كتير وحركات مشاركة معانا الاحتفال بالعام السادس لانطلاق الحركة»، «المصرى» يقول إن المنشورات توزع فى القاهرة الكبرى وبعض المحافظات لتجديد الحس الثورى لدى الشعب والمطالبة باستمرار الحراك الثورى فى الشارع «عايزين الناس تطلع تقول للإخوان كفاية البلد ضاعت».