بمناسبة الانتخابات "محدش عنده عذر .. الفرح جنب اللجنة"

إذا قررت أن تقيم فرحك فيمكن أن تطبع كروتا وتوزعها على الناس، والأسهل أن تقيم شادرا فى وسط الشارع، وتعلق 5 يافطات كبيرة لدعوة الناس لحضور الفرح. والوسيلة المبتكرة التى اتبعها حمادة مصطفى فى منطقة الإمام الشافعى للاحتفال بعقد قرانه كانت حديث أهالى الشارع جميعا حيث قرر أن يعقده يوم الانتخابات، وأن يقيم الفرح إلى جوار المدرسة التى تضم لجنته الانتخابية.[Image_2] مصطفى قرر استغلال العطلة الرسمية الخاصة بالانتخابات من الخميس إلي الأحد للزواج، "ادونى 4ايام اجازة للانتخابات ومش هيدونى تانى قبل رمضان قلت استغل اليومين دول فى إنى اتجوز". ضيق الوقت لم يسعف حمادة فى التجهيز للفرح بالكامل ولدعوة جميع الأهالى، لذا قرر أن يستغل الانتخابات الرئاسية وأن يعقد قرانه الاحد "هو فرحى أقل من الانتخابات". ولم يكتف بعقد قرانه يوم الانتخابات، بل قرر أن يقيم شادرا أكبر من الشادر المحيط باللجان الانتخابية، وأن يعلق دعوة الفرح على ناصية الشارع كاتبا عليها "بعد الاطلاع على أوراق القضية، وموافقة من رئاسة الجمهورية، قررنا نحن بعمل خطة جهنمية، وبما إن يوم الأحد عطلة رسمية وفرحة الجميل فرحة مش عادية، وعشان الفرحة ديه للصحاب قررنا نخليها بدل فرحة واحدة مننا تبقى فرحتننا كلنا".[Image_3] الهدف من اللافتة أن ينتبه كل من يتوجه إلى الانتخاب لفرح حمادة "ده فرح حمادة أجدع شباب الحتة، ولازم ييجو يوجبوا معايا، الناس تيجى تنتخب بعد الظهر وتيجى على الفرح تاخد الواجب بتاعها، ومفيش حد عنده عذر الفرح جنب اللجنة". حمادة شدد فى عبارات واضحة فى اللوحة على ضرورة الحضور "حضورك يهمنا ولو مجتش العتاب من حقنا ومتقوليش نسيت عشان يوم ليك ويوم عليك" خاتما الدعوة بشعار "فرحة رجل واحد".