«مدرسة الديمسى».. حجرة واحدة «إيجار» والدروس «ببلاش»

08:26 م | الثلاثاء 24 يناير 2017

مجموعة من المقاعد الخشبية فى حجرة استأجرها مدرسون فى مواد مختلفة، وأطلقوا عليها «مدرسة الديمسى المجتمعية»، لتعليم الأطفال اللغة العربية والحساب والدراسات والعلوم مع بداية العام الدراسى الحالى، بحسب فكرى عبدالحافظ، مدرس لغة عربية، أحد أبناء القرية المتطوعين فى فريق المدرسين: «فكرنا طويلاً فى إقامة مدرسة بالجهود الذاتية لتعليم الأطفال، فنسبة التعليم عندنا ضعيفة جداً، ففكرنا نفيد أطفال قريتنا بنفسنا، وكانت مشكلتنا المكان، لحد ما فكرنا نعمل مدرسة من أوضة أجرناها بـ150 جنيه فى الشهر، وبندفعها من التبرعات».

{long_qoute_1}

لم تتوقف مبادرة الشاب الثلاثينى وزملائه المدرسين عند هذا الحد، فقد وفروا حصصاً سلوكية للطلاب للتأهيل على العمل الجماعى، واحترام الرأى الآخر: «التربية قبل التعليم، عشان كده حاولنا نوفر كل حاجة للأطفال، من دراسة جميع المواد بكتب مستعملة، لحد حصص سلوكيات، عشان نعلمهم إزاى يحترموا غيرهم، ويبقوا حاجة كبيرة، وبدأنا تعليم الأطفال من أول السنة الجديدة فى 2016، بالترم الأول وحالياً فى إجازة، وهنكمل فى الترم الثانى خلال أيام».

56 طالباً تجمعهم حجرة المدرسة، الفكرة تعد بالنسبة لـ«فكرى» وفريقه أفقاً جديداً لتوسيع إدراك أطفال قريتهم وتعليمهم: «عندنا أطفال نسبة الذكاء عندهم عالية جداً، إحنا قمنا بدورنا، وبنحاول نساعدهم عشان نعلمهم».