ريهام سعيد تهاجم منتقديها: اتلحلحوا وساعدوا في علاج حالات البرنامج

12:29 م | الثلاثاء 04 يوليو 2017

وجهت الإعلامية ريهام سعيد رسالة لمنتقدي ظهورها فى مسلسلات وبرامج رمضان الماضي، من خلال برنامجها "صبايا الخير"، المذاع عبر شاشة "النهار".

وردت ريهام على اتهامها بالمبالغة، قائلة: "هناك من قال عليا بتأفور وبتشحت في التليفزيون، وكل ممثل جاب سيرتي في برنامج ولا مسلسل ما تتلحلح كدة وتساعد في علاج حالات البرنامج علشان إحنا ما بنهزرش، أنت بتهزر وتروح تمثل وتاخذ مش عايزة أقول كام.. أنا في رمضان كان اسمي الغائب الحاضر فى جميع المسلسلات والبرامج مثل الرؤساء وأنا سعيدة بده فلو اسمي ما بيشدش أو أنا مش معروفة مكانش اتذكر".

أضافت: "مفيش حد اتصل بيا وسألني عن حالات صبايا الخير دي ممكن تكون محتاجة إيه ولا قالي أنا عملت مسلسل بكذا وعايز أساعد بجزء، اتريق بس ساعد، بضايق قوي لما بحس أن الناس أصبحت مجردة من كل حاجة، عملنا حلقة عن العفاريت كل الناس افتكرت العفاريت مع أنها حلقة واحدة، وعملنا مئات الحلقات عن الحالات دي محدش افتكرهم".

كانت ريهام سعيد قد خصصت حلقة في برنامجها لتقديم الأطفال التى تسهم مؤسسة "صبايا الخير" في علاجهم بالخارج، موضحة أن عددهم 11 حالة وأغلبهم حالات حرجة، وعرضت الإعلامية تقريرا عن تطورات الحالة الصحية لهؤلاء الأطفال كما عرضت لقاءات مع ذويهم.