أما يكون حد عنده مشكلة وهو لجأ لك عشان تساعده بلاش تبدأ بمحاضرة.. حاول تقدم له حلول وتساعده وبلاش طريقة الكلام معاه تكون كده:
- لازم تفكر في حل لمشكلتك
- آه ما أنا بفكر بس مش عارف أوصل لحل.. إيه رأيك إنت؟
- لازم تتصرف بحكمة
- آه اكيد طبعا بس اعمل إيه؟
- فكر بالعقل
- أيوة ما أنا بفكر ومش عارف أعمل إيه!
- يعني ما تاخدش قرار متسرع
-أيوة ما أنا عارف يعني اعمل إيه؟
- خد وقتك وفكر على مهلك واتصرف صح-
الصح اللي هو إيه؟ ما أنا لو عارف مكنتش حكيت لك
-الصح يعني الصح.
إنت كده حتخليه يحس إنه هيولع في نفسه وفيك.. خد نفس واسأله:
- طب إنت لو مكاني هتعمل إيه؟
الكارثة ان عادة الإجابة بتبقى
- معرفش
(لا تخرج دون أن تشد في شعرك)!