شوفتي موج البحر
يا حبيبتي
صوته يشبه ليكي
لو غِبتي
بلعنك أوجاع
وكركبتي..
واعترف والسكة مجهولة
ياللي مرك فات على روحي
اربطي بعناقيد بيبان بوحي
صبي كاس الخل
في جروحي..
لفي بيا الدايرة مقفولة
كان غيابك يوم
على عيني
ضحكك الألوان
كسر عيني
واقفة ليه
وإزاي بيني وبيني
شاغلة فيا مساحة مقتولة
مين بيوجع مين
مين السادي؟
ليه ألومِك ليه!
مفيش.. عادي
لسه عمر..
ولسه أنا بادي
قصة أحلى كتير من الأولى