مش كل «عربيات الشوارع» أكل.. «عادل» عملها «إكسسوار»

08:03 م | الثلاثاء 26 سبتمبر 2017

اعتاد المصريون على رؤية عربات الطعام بشكلها المتطور والمتميز فى الشوارع، والتى اتخذها الكثير من الشباب مهنة له، لكن عادل أحمد، 32 عاماً، فكر بشكل مختلف وقام بعمل أول عربة لـ«إكسسوارات الهاند ميد»، الأمر الذى لفت انتباه المارة بشارع فيصل، حيث تقف العربة، وتتراص فوقها وحولها الخواتم والسلاسل الملونة بعناية فائقة.

يسير «عادل» فى الشوارع منذ 19 يوماً، وكان للعربة المتجولة بهجة خاصة فى نفوس البنات اللاتى تزاحمن حولها، نظراً لتصميمها المختلف، الذى ضم أكبر كم من البضاعة المعروضة بشكل جيد.

قدرته على التجديد والابتكار جعلت معظم الزبائن تنتظر موعد وقوفه بالشارع للشراء منه: «عربيات الأكل كترت بشكل كبير، فحبيت أستخدم عربية تكون شبه بتاعة الأكل بس فى الحاجة اللى باعرف أعملها، وعشان كده الناس حبيتها».

لم يكتف «عادل» بالبيع فقط، وإنما يطرح على زبائنه ورقة لتقييم العربة، كما أنه يتفاعل مع زبائنه من خلال صفحته على «فيس بوك» من خلال طرح تساؤل: «إيه الحاجات اللى حبينها موجودة فى العربية، وعايزين شكلها عامل إزاى؟».

تساعده زوجته وتصنع له الإكسسوارات، حيث تظل طوال الليل تعمل على ابتكار أشكال جديدة ومختلفة، ومن ثم يقوم ببيعها والتجول بها فى الشارع: «الأول كنت واخدها شغلانة تانية جنب شغلى، لكن لما سِبت شغلى، فبقت هى مصدر رزقى أنا وعيالى، وبقيت أهتم بيها وأبيع بسعر معقول لأنها مصدر رزقى الوحيد دلوقتى»، وتتراوح أسعار بضاعته من 20 إلى 25 جنيهاً.