الميكروباصات تستغل «البدوى»: «طنطا 15.. والمولد 25»
الميكروباصات تستغل «البدوى»: «طنطا 15.. والمولد 25»
- مسجد السيد البدوى
- موقف عبود
- ميدان رمسيس
- أجر
- أسطى
- أكبر
- مسجد السيد البدوى
- موقف عبود
- ميدان رمسيس
- أجر
- أسطى
- أكبر
من الصعيد إلى ميدان رمسيس، ومنه إلى موقف عبود، رحلة استغرقت أكثر من 7 ساعات، قام بها «عرابى أحمد» مع 5 من جيرانه. وجهتهم «السيد البدوى» فى طنطا، حيث تقام ليلته الكبيرة. من بعيد كانوا يسمعون صوت النداء غير التقليدى: «اللى رايح السيد البدوى». ورغم أن التعريفة من الموقف إلى طنطا 15 جنيهاً، فإن أصحاب الميكروباصات يستغلون اليوم وينقلون زوار البدوى فيه بـ25 جنيهاً.
{long_qoute_1}
«اللى حابب يروح طنطا الموقف يشوف عربية رايحة، واللى حابب يروح للسيد البدوى يركب هنا» نداء متكرر من صابر زينهم، أحد سائقى الموقف، الذى قرر صباح أمس الذهاب بعربته إلى ساحة مسجد السيد البدوى فى طنطا، بدلاً من الموقف، لكسب عدد أكبر من الجنيهات، استغلالاً لزوار «البدوى». «يعنى انت يا أسطى هتودينا لحد الساحة» سؤال وجّهه الحاج «عرابى»، الرجل الذى شارف على الستين، للسائق، ليطمئن إلى عدم ركوبه مواصلات أخرى حين يصل إلى طنطا، فرد عليه السائق، قائلاً: «أيوة يابا الحاج، هنزّلك عند البدوى بس هاخد 25 جنيه، ولو مش عاجبك الكلام اركب عربيات طنطا بـ15»، لكن الرجل فضّل الركوب مع جيرانه الـ5، فالمواصلات فى طنطا فى ذلك اليوم صعبة. «هو لو عنده ضمير يركبنا بـ18 مثلاً أو 20 بزيادة 5 جنيه على الأجرة، بس هو عارف إننا مضطرين له» قالها «عرابى»، ليرد عليه «صابر»: «مش أنا لوحدى اللى بعمل كده يا عم الحاج، وهو يوم فى السنة وخلاص».
