حاتم سالم حاتم سالم المراجعة
الأربعاء 25-10-2017 | PM 04:25

أنا الواد اللي بيدور

على الخير اللي كان جواه

وأنا الواد اللي من ساعة

ما بيقصر في حق الله

بيخسر كل شئ حابه

ساعتها بيبقى ضل وتاه

وفعلاً ببقى متأكد

بإن حياتي في معاناة

فخليني

أتوب يا رب واستغفر

ودلوقتي

مفيش داعي إني اتأخر

أنا عارف

بإني كتير قوي مقصر

في حقك أيوه أنا مقصر

في حق الناس أنا مقصر

في حقي حتى أنا مقصر

وبستهبل.. وبستكبر.. وبستهتر

لكني حقيقي بتأثر

ومن جوايا بتكسر

أنا في طريقي ده هخسر

فماتسبنيش كده ليا

وخد يا رب بإيديا

ده أنا ومعايا كل الناس

بدونك ببقى وحديا

وأنا الواد اللي في رحابك

بتبقى الفرحة مش سايعاه

أنا الواد اللي بيدور

على الخير اللي كان جواه

قصائد متعلقة

تعليقات الفيس بوك

القصائد الأكثر مشاهدة

عاجل