كل مدينة في العالم ليها إحساس مختلف.. فيه مدن إسمنتية خراسانية وفيه مدن فيها روح وفيه مدن تحس إنك سامع مزيكة وإنت ماشي.. وفيه مدن تحس إنها بتاخدك في رحلة للتاريخ.. الجغرافيا مش بس خرائط وأسامي وشوارع .. مش مجرد حاجات بناخدها فى المدرسة.. المدن زي البشر فيها الدافى وفيها البارد.. فيها اللى كله حيوية وفيها الهادى.. فيها المادى وفيها اللى مليان إحساس.. والمدن زي كل حاجة فى الدنيا أذواق.. مش لازم اللى أحبه تحبه.. بس الأكيد إن فيه مدن شبهنا بتتسق مع أرواحنا ومدن بننفر منها.