تيتو
«أصغر مايك مان فى مصر»، لقب أطلقه عليه كل من حوله، لا يهاب الوقوف على المسرح، ولا يخشى التجمعات كغيره من الأطفال، موهبته فتحت أمامه أبواب الرزق منذ أن بلغ الخامسة من عمره.
محمد أشرف، الشهير بـ«تيتو»، هو أصغر مطرب أفراح شعبى، حضوره القوى وروحه المرحة بالإضافة لصوته العذب، عوامل جذبت جمهور الأفراح إليه وأصبحت له فقرة خاصة فى الأفراح الشعبية.
بين المحافظات المختلفة من البحيرة والإسكندرية والمنصورة والغردقة يتنقل «محمد» ليحيى الأفراح: «صوتى حلو بغنى كل الألوان، لكن اللى بيتطلب منى فى الأفراح أغانى المهرجانات»، يروى «محمد» كيف يقسم يومه بين المدرسة وإحياء السهرات ليلاً: «بروح المدرسة الصبح وبعدها بأتدرب على الأغانى وبجهز للحفلة.. الأغنية الجديدة بقعد أتدرب عليها يوم كامل».
أول أجر حصل عليه «محمد» كان 500 جنيه: «دلوقتى وصل أجرى إلى ألف جنيه.. وأبويا هو المسئول عنى فى كل حاجة هو اللى بيودينى الفرح وياخدنى منه»، ويروى والد «محمد» أنه ترك عمله فى مغسلة السيارات الخاصة به منذ أن بدأ ابنه فى العمل كمطرب بالأفراح: «أنا مؤمن جداً بموهبة ابنى عشان كده قررت أكون معاه فى كل خطوة بيعملها».
تعليقات الفيسبوك