ليه فيه ناس مش بتحب الشتا؟
عشان برده كاشف لنا.. بيخلينا نحس بالصقعة اللى جوانا.. بأشكال مختلفة الشتا يعنى حضن..
عمرك سمعت عن حضن الصيف؟
كله بيقولك حضن الشتا.. الشتا بيحطك قدام نفسك.. وممكن ساعات كتير واقعك بيبقى مؤلم بسبب الوحدة أو بسبب الغربة فتحس ببعد أو ألم أو وجع ياخد شكل انسلاخ وممكن كل دول مع بعض.. الشتا مع اللى بنحبهم دفا والشتا وإنت لوحدك غربة وبرد وصقعة..
دفوا برد حياتكم بحبايبكم.