العلاقات لا تقاس بالزمن.. يعنى ممكن تعرف حد سنين طويلة وفِى موقف معين تحس إنك ماعرفتوش خالص.. وممكن حد فى أسبوع واحد تحس إنك عارفه عمر بحاله.. البشر عندهم قدرة يحطوا أقنعة وإحنا ساعات كتير بنصدق عشان عايزين نصدق.. وساعات إحنا اللى بنحطلهم قناع عشان يجملهم فى عينينا.. لكن الحقيقة لازم تظهر مهما طال الزمن وفِى لحظة بنشوف اللى تحت القناع.. وفيه ناس بعد فترة قليلة تحس إنك عارفهم من عمر وإن وشهم حقيقى شبه قلبهم.. وبيبقى نفسك يفضلوا جانبك ومعاك ينسوك كل الأقنعة اللى شفتها قبل كده.