بريد الوطن| لسان حالهم
بريد الوطن| لسان حالهم
لسان حالهم بقى عنَّك
وحواديتهم بقت عنا
قالولى كمان كتير إنك
ملاك هربان من الجنة
وسايب كل حور العين
بحلم رجوعه تستنى
وكان هايم ف ملكوته
لكنه ف يوم حلم بعنيكى
واتمنى
لحد ما شاف ملامح وشك المرسوم
ف لوح محفوظ
وحسك حتة من روحه
وكان ف الشرع ده لا يجوز
صرخ فجأة وقال عايز
فتح باب الخروج وحده
فصار منبوذ
ملاك بيحب إنسية
ومين هى؟!
ومن إمتى الملايكة تعوز
خلع نوره وفات ف الجنة جناحاته
عيونه من الوجع ماتو
لقاكى الضى
وقالك جى
وقالك ليه أعيش ميت
وانا ممكن يكونلى مكان
ف قلبك حى
فخليكى
على عهد الهوى بيكى
حبيبك مش بشر عادى
لا كان له شبيه
ولا هيكون له أبداً زى
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي bareed.elwatan@elwatannews.com
