هتاف قالوا إيه يسيطر على التصويت بالخارج.. ووديع: تكريم ربنا للأبطال
هتاف قالوا إيه يسيطر على التصويت بالخارج.. ووديع: تكريم ربنا للأبطال
انطلق اليوم العرس الديموقراطي الأكبر لاختيار رئيسا لفترة رئاسية جديدة 4 سنوات كما حددها الدستور المصري، وبدأت فعاليات العميلة الانتخابية بتصويت المصريين في الخارج منذ مساء أمس حسب التوقيت الخاص ببعض الدول، كما بدأت في الصباح الباكر في الدول العربية والتي شهدت إقبالًا كبيرًا في اليوم الأول من التصويت.
وتداولت على مواقع التواصل الاجتماعي المختلفة بعض الصور والفيديوهات من السفارات والقنصليات المختلفة التي تشهد عملية الاقتراع، والتي توضح إقبال كبير من المصريين على المشاركة في العملية الانتخابية.كما ظهر المصريون في أكثر من فيديو لأكثر من دولة، وهم يرددون هتاف "قالوا إيه" خلف صوت الرائد متقاعد محمد الوديع، الهتاف الذي يخلد أسماء شهدائنا الأبرار من رجال الكتيبة 103 صاعقة شهداء معركة البرث بسيناء.
وعلق الرائد محمد الوديع على امتداد انتشار الهتاف خارج حدود أرض الوطن؛ وقال في تصريحات خاصة لـ"الوطن" إنه في غاية السعادة لأن هدفه في تخليد أسماء زملائه الشهداء يتحقق أكثر مما تخيل يوما بعد يوم.
وأضاف "وديع": "والله أنا كنت فرحان جدًا لما زمايلي وأخواتي الأبطال أسمهم إتقال في مصر كلها فأكيد مبسوط جدًا أن أسمهم بيجوب العالم".
وتابع "وديع": الشهيد منسى راح تدريب مشترك في البحرين ومحدش كان يعرفه.. أكيد دلوقتي ممكن يعرفوه وراح أمريكا حصل على فرقة سيل وبردو مكانوش يعرفوه دلوقتي ولاد بلده هناك أكيد يعرفوه".
واستكمل "وديع": "شبراوى طلع حج وراح السعودية مكانوش يعرفوه.. اسمه بيتقال دلوقتى هناك.. أكيد هيعرفوه.. العسكرى على عامل الجبس الأبيض البسيط اللى عمره ما طلع بره قريته البسيطة فى المنصورة دلوقتى اسمه بيلف العالم على لسان ولاد بلده فى الخارج".
وأنكر "وديع" تحقيقه لأي نجاح أو مجد شخصي، مشددًا على أن البطولات التي قام بها هؤلاء الأبطال هي النجاح الوحيد والحقيقي: "أنا شايف إنى معملتش اى حاجة خالص و كل ده هو تكريم ربنا للأبطال اللى أخلصوا فى النيه و القول و العمل... يعنى لو هنقول كلمه مختصره عنهم نقدر نقول سلام على المخلصين.. كانوا مخلصين وصادقين وربنا كرمهم فى الدنيا و الأخرة".
