في آخر أيام الانتخابات بمدارس بلقاس بالدقهلية: "انزل شارك صوتك أمانة"
طالبات ومعلمين مدرسة بلقاس يحتفلون بآخر يوم انتخابت
علامات الفرحة والسعادة تظهر على وجوههم، يوزع طالبات ومعلمين مدارس "بلقاس" بالدقهلية الانتخابية "الشيكولاتة" على جنود الشرطة والجيش والمشاركين بالانتخابات، يقفوا وكأنهم في ساحة عيد، تعبيرا عن فرحتهم بالانتخابات داخل مدارسهم، وتجشيع المواطنين على التصويت في آخر يوم انتخاب.
أمينة محمد، طالبة بالصف الثالث الثانوي بمدرسة بلقاس بالمنصورة، فكرت في عمل كيكة لتوزيعها على المشاركين في الانتخابات بمدرستها، فتقول: "أنا مبسوطة جدا إن مدرستي مقر للانتخابات وإني شاركت في التصويت كمان بصوتي، وعشان أشجع جيراني والناس وزعت على كل اللي بقابلهم في طريقي كيكة، وقولت ليهم إن صوتهم أمانة وفي ناس استجابت ليا مع إن مكنش فارق معاهم إنهم يشاركوا".
محمد أحمد، مدرس لغة عربية بنفس المدرسة، حاول جاهدا مساعدة كبار السن المشاركين في الانتخابات بمدرسته، وتوزيع العصائر على الناخبين: "الناس اللي بتقول الانتخابات محسومة ومش نازلين مش صح، لأن المفروض صوتنا أمانة والسيسي مش ذنبه إن مفيش مرشحين نزلوا قدامه، وعشان كده فرحتي بالناس اللي نزلت كبيرة، وحاولت على قد ما أقدر أعبر عن فرحتي بتوزيع العصاير في آخر يوم انتخابات عشان أشجع الناس ينزلوا ويفرحوا معانا"، مضيفا: "إدارة المدرسة اتفقت مع الطالبات والمدرسين إننا ننزل كلنا آخر يوم الانتخابات، ونقف في المدرسة نرحب بالناخبين عشان نشجعهم على المشاركة بطريقة مختلفة".