من كتر استغراقنا فى مشاكلنا بننسى إن الحياة مش إحنا بس.. يعنى كل حد فينا موجود لسبب.. إنت إما بتحب حد، إما بتساعد حد، إما بتسيب حد أو بتقف مع حد.. إنت بتبقى بتفكر فى نفسك فى عز ما إنت ممكن تكون بتغير فى حياته حاجة.
كل حاجة بتحصل لسبب.. أما نحب حد بيبقى التجربة لينا وليه.. إحنا بنستفيد بشكل وهو بشكل تانى خالص.. إحنا أدوات فى طرق بعض.. كل واحد موجود فى حياة التانى لسبب.. ساعات عشان نفوقه وساعات عشان نغير مساره أو مسارنا وساعات عشان تجربتنا مع التانى تخلينا نفهم نفسنا صح.