طلاب بـ«هندسة الزقازيق» يرفعون شعار «إحنا السماسرة»
طلاب هندسة الزقازيق يقومون بتوفير شقق سكنية للطلاب
لمسوا حالة المغتربين بأنفسهم، تذوقوا مرارة البعد عن ذويهم، رحلة البحث عن سكن مناسب إلى جوار الجامعة مرهقة جداً بالنسبة لهم، الأمر الذى جعلهم يفكرون فى مشروع ليحل أزمتهم، ويبعدهم عن استغلال السماسرة.
«إحنا السماسرة»، شعار رفعه طلاب بكلية الهندسة جامعة الزقازيق ليسهلوا على الطلاب رحلة البحث عن سكن، حيث أسسوا شركة بها نظام معلوماتى يشمل بيانات الشقق والغرف المخصصة للإيجار بالمحافظة خاصة فى منطقة الجامعة. أحمد صيام، أحد الطلاب منفذى الفكرة، والمقبل من قرية أبوحماد بمحافظة الشرقية للدراسة بكلية الهندسة بمدينة الزقازيق، يعد هذا العام هو الموسم الرابع على التوالى الذى ينفذ فيه فكرته: «إتعذبت أنا وأصحابى أول ما جينا الزقازيق عشان نلاقى سكن.. على الرغم من إننا من نفس المحافظة لكن القرية بتاعتى بعيدة عن الجامعة كأنى مغترب لازم آخد سكن جنب الجامعة يوفر عليا فى مصاريف المواصلات اليومية وكمان وقت المذاكرة»، منذ اللحظة الأولى التى أعلن فيها الفريق عن فكرة الشركة على موقع «فيس بوك»، وتوافد عليه الطلاب من جميع المحافظات للحجز: «أكتر الطلاب اللى بنتعامل معاها بيكونوا وافدين من المنصورة وبنها والقاهرة وإسكندرية بيحجزوا إلكترونى»، حيث توفر شركة التسكين كافة المعلومات عن الشقق والغرف المتاحة للمغتربين وتوفرها للطلاب فى أقل من نصف ساعة: «إحنا بنوفر عليهم بهدلة البحث عن سكن، ومش بنزود فى عمولتنا زى السمسار».
«صيام»: بنوفر عليهم رحلة البحث عن سكن.. ومش بنزود فى عمولتنا زى السمسار
معايشة «أحمد» لحالة المغتربين الصعبة منذ مجيئه من قريته للعيش بالمدينة حفزته على تطوير فكرته: «إحنا بنتعب عشان نلاقى سكن نضيف بتكلفة قليلة لأن معاناة المصاريف مش بتتوقف على السكن بس، فيه فواتير ميّه وغاز وكهربا غير الأكل والمواصلات فبنحاول نقلل عبء السكن عن الطالب.. لو الشقة إيجارها 300 جنيه السمسار بياخد الضعف وإحنا أولى بالفلوس دى»، حيث تتراوح أسعار الغرف التى يتيحها الفريق بين 350 و500 جنيه حسب القرب من الجامعة: «قدام باب كليه الآداب بـ300 جنيه، وفى منطقة السلام بـ400 جنيه، وفى حى الزهور بـ500 جنيه».