إنتي مكتئبة اليومين دول قوى، وده طبيعى على فكرة علشان إحنا فى فصل الخريف وده بيمر بيه كل الكائنات الحية، يعنى كمان الحيوانات والنباتات بتكتئب فى التوقيت ده.
طيب الأعراض إيه؟
صعوبة البقاء فترة طويلة مع الناس، تلاقى نفسك مش عايز تقعد مع حد أو تتكلم أصلا معاهم، يعنى تحسى إنك مش عايزة تفضفضى لأن إنتى نفسك ماعندكيش حاجة تقوليها.
حساسية زائدة ومش مستحملين حد يوجه لنا أى نقد أو أى كلمة.
النوم لفترات طويلة، وبتنام مع إنك شبعان نوم، بس هو هروب من حالة الاكتئاب اللى عندك.
الشعور بثقل في إيدكي ورجليكى.
وفتح شهية بشكل بشع وطول ما إنت قاعد بتاكل مع إنك مش جعان.
أهم حاجة بقى تحس إنك عايز تحضن أى حد أو تاخده فى حضنك. يعنى تسلمى على صاحبتك بحفاوة زيادة مع إنك لسة شايفة خلقتها امبارح، أو طول ما إنتى قاعدة تحضنى ولادك، ومش بعيد لو شوفتى عبدالصمد البواب تاخديه فى حضنك.
طيب الحل إيه؟
أول حاجة فى الحل هى اتحلت أصلا، لأنك عرفت سبب اكتئابك وده فى حد ذاته هيخليك متقبل حالتك وراضى بيها لأنك عارف إنها مؤقتة.
تانى حاجة والأهم (ألا بذكر الله تطمئن القلوب) نقرأ فى المصحف كتير ونسبح ونستغفر على قد ما نقدر، ولو إنتي مسيحية اقرأى فى الإنجيل وصلى وادعى كتير.
ثالث حاجة الميه.. مش بس نشرب ميه كتير، لا نتوضأ مع كل صلاة، وممكن نقوم نتوضأ من غير سبب، ونستحمى كتير الله يخليكوا، هيفرق جدا فى انتعاشك وانتعاشنا معاك، لأن مش هنشم ريحة عرقك، وراعى إن إحنا مكتئبين زيك فمش ناقصين اكتئاب بريحتك.
رابع حاجة نقفل بوقنا عن الأكل، علشان إنتى مش جعانة، ده جوع وهمى سببه حالة الاكتئاب إللى عندك.
خامس حاجة نعمل أى نوع من الرياضة الصبح ان شالله ١٠ دقايق.
آخر حاجة وأهم حاجة اللجوء لنظام غذائى يخفف من الإصابة بالاكتئاب، يعتمد على الفواكه والبقوليات، حيث إن السكريات الموجودة بها تقوم على تحسين المزاج مثل الأناناس والرمان،وتناول أيضا الأغذية التي تحتوي علي فيتامين د. الذى يعرف أيضا بفيتامين الشمس، وذلك لإمكانية الحصول عليه من خلال التعرض للشمس، ولهذا الفيتامين تأثير كبير علي تحسين مزاج الشخص ونفسيته ورفع معنوياته، ويمكن الحصول علي فيتامين د أيضاً من خلال تناول الأغذية التى تحتوى على فيتامين د مثل: (البيض- السمك- المشروم- السردين- الجبن قليل الدسم- التونة)، والبطاطا وما أدراكم ما البطاطا وتحسينها للمزاج.
أيضا فيتامين c من أهم الفيتامينات التي تعمل على محاربة هرمون الكورتيزول، وهو هرمون التوتر، وخفض نسبة هذا الهرمون في الدم يساعد على تحسن المزاج، والشعور بالراحة والاسترخاء، ومن أطعمة فيتامين c: (الحمضيات- الطماطم- البروكلي- الفلفل وخاصة الفلفل الأحمر).
وكمان الأغذية التي تحتوي علي فيتامين ب، لأن فيتامين ب أيضاً له دوراً كبيراً في تحسين المزاج العام والحد من الاكتئاب، وذلك لتأثيره علي زيادة نسبة السيروتونين (هرمون السعادة والفرح) بالدماغ، وده لان مواد فيتامين ب بطيئة الهضم ولها قدرة عظيمة علي تحسين المزاج وتعديله.
وتعد الفاصوليا المجففة ومشتقات الألبان والبيض والدجاج والسمك والحبوب الكاملة والأفوكادو والموز والشوفان أهم الأكلات الغنية بفيتامين ب علي الإطلاق