تراجع الأسعار فى «التجزئة».. وطوابير على شوادر «الداخلية»
إقبال من المواطنين على شوادر وزارة الداخلية
واصل المواطنون توافدهم، لليوم الثانى، على الشوادر التى نظمتها وزارة الداخلية لبيع «البطاطس والطماطم» بأسعار مخفَّضة، ووقفوا فى طوابير طويلة، فيما شهدت أسواق التجزئة انخفاضاً طفيفاً فى أسعار السلعتين، علاوة على انخفاض آخر فى نسب المقبلين على الشراء، وأكد المواطنون لـ«الوطن»، أنهم سعداء بتدخل الدولة لاحتواء الأزمة، وطالبوا بمعاقبة المتسببين فيها.
وتوافد المواطنون على «شادر رمسيس» منذ الساعات الأولى من الصباح، وقال مجدى آدم، يعمل بهيئة السكك الحديدية: «استأذنت من شغلى عشان آجى، لأن الحاجة هنا رخيصة.. الكيلو برة سعره الضعف»، مشيراً إلى أنه موجود أمام الشادر منذ ساعة مضت: «كان نفسى آخد أكتر بس ما ينفعش لأن الكمية محدودة عشان الكل ياخد».
«حاجة كويسة وأتمنى أن تكون فى كافة ميادين المحافظات مش فى رمسيس بس، والسعر رخيص جداً، كيلو الطماطم بـ5 جنيه والبطاطس بـ6»، قالها محمود صبرى، موضحاً أنه أتى أول مرة بعد علمه بوجود شادر لبيع البطاطس والطماطم بأسعار مخفضة فى رمسيس، متابعاً: «سمعت الخبر فى التليفزيون وجيت أتأكد وأشترى»، وقال سيد حنفى: «أول ما سمعت إن فيه شادر بطاطس وطماطم والأسعار فيه رخيصة جيت على طول، لأنى محروم منها أنا والعيال من ساعة ما الأسعار غليت». وانخفضت أسعار البطاطس والطماطم بسوق سليمان جوهر بالدقى، حيث تراوح سعر الأولى بين 11 و13 جنيهاً، بينما وصل سعر كيلو الطماطم 12 جنيهاً. وقال عبدالله محسن، تاجر: «البطاطس ريّحت، بقينا بنجيب الكيلو جملة بـ8 و9 جنيه بدل ما كانت بـ12 لأنها كترت فى السوق، والطماطم برضو الكيلو جملة بقى بـ7 و8 جنيه»، ما ساعده على شراء كميات كبيرة من الخضراوات بأسعار معقولة بالنسبة له، مشيراً إلى أهمية ما قامت به الدولة عبر شوادر وزارة الداخلية لحل الأزمة، وتابع: «طول ما الوزارة بتبيع بأسعار معقولة مقاربة لأسعار السوق عندنا إحنا هنشتغل كويس ولينا زبون ثابت»، متوقعاً تراجع الأسعار الشهر المقبل مع بدء توزيع المحصول الجديد، فيما قال جمعة الرومى، تاجر: «حركة البيع والشراء ضعيفة مش زى الـ5 شهور اللى فاتت».
11 جنيهاً للبطاطس و12 للطماطم.. و«سيد»: «عيالى محرومين منها من ساعة ما غليت».. و«زينب» تطالب بإقامة مزيد من الشوادر و«آدم»: كان نفسى آخد كمية أكبر بس ماينفعش علشان الكل ياخد.. و«صبرى»: سمعت الخبر فى التليفزيون جيت أشترى
ووجد عدد من المواطنين هذا الانخفاض فى أسعار البطاطس والطماطم «غير مُرضٍ»، وقالت زينب محمد: «الأسعار نزلت شوية بس لسَّه غالية علينا قوى، الأول كنا بنجيب بالعشرة كيلو بطاطس ونخزّنها فى البيت، لكن دلوقتى بطلت أشتريها، لأنى لو هاعمل صينية بطاطس صغيرة قرديحى من غير لحمة هتكلفنى كتير برضه»، مضيفة أنها قررت تقليل كمية الطماطم التى تشتريها والاعتماد على عبوات الصلصة المعلبة فى الطبخ أكثر، مطالبة بمزيد من شوادر «الداخلية» ليسهل على المواطنين الشراء من مناطق قريبة منهم.