الشيف يسرى: الترمومتر سر نجاح «الحلاوة البيتى»
الشيف يسرى: الترمومتر سر نجاح «الحلاوة البيتى»
- القنوات الفضائية
- جوز هند
- حلوى المولد النبوى
- موسم المولد النبوى
- الشيف يسرى
- القنوات الفضائية
- جوز هند
- حلوى المولد النبوى
- موسم المولد النبوى
- الشيف يسرى
يتفنّون فى إعداد حلوى تفوق المعروضة فى الأسواق والشوادر خلال موسم المولد النبوى، ويتسابقون على القنوات الفضائية فى تقديم أسهل وأنجح الوصفات ليتقنها المشاهد، من بين أشهر شيفات الفضائيات، يحرص الشيف يسرى خميس، على تخصيص حلقة أو أكثر لإعداد حلوى المولد النبوى، تحمل فكرة جديدة، ولأن ارتفاع الأسعار هو المشهد الغالب على الساحة، كان الأولى تقديم أفكار تساعد الناس على إعداد حلوى جميلة واقتصادية.
{long_qoute_1}
«كمية السكر والمكسرات التى بنستخدمها هى اللى بترفع من التكلفة، ممكن بدل ما أشترى فستق أو لوز، أستخدم سودانى أو سمسم أو حمص، وبشكل عام عمل الحلويات فى البيت أرخص من شراها، يكفى أن قطعة الفستقية 100 جرام بتتباع فى المحلات بأكتر من 50 جنيه، رغم إن لو عملناها مش هتتكلف أكتر من 25 جنيه»، بحسب «يسرى».
حلقات الموسم المتخصصة تذاع عادة قبل المولد بأيام قليلة، ولا يحتاج الاستعداد قبلها بوقت طويل: «الشيف المحترف ذهنه على طول حاضر، ودائماً عنده الجديد، وإلا هيكتفى المشاهد بإعادة حلقة العام الماضى.
أحياناً الفكرة بتيجى على الهواء، وبغيّر فى المكونات قدام الشاشة».
أسرار بسيطة يقدمها «يسرى» للمواطنين لإعداد حلوى شهية: «لازم وجود ترمومتر لقياس درجة الحرارة، لأنها لو زادت هيتحول السكر لكراميل، ولو قلت هيكون فى صعوبة فى مضغها وهتلزق فى السنان، كمان لازم المكونات تكون فريش وعند الإعداد تكون ساخنة لسهولة تشكيلها، مع مراعاة عمل كميات صغيرة، لتحجيم الخسائر».
يحاول «يسرى» التجديد فى شكل حلوى المولد التقليدية: «يعنى مثلاً بدل ما أحشى قمر الدين جوز هند، أحط زبيب أو بلح مفروم، وكلها حاجات بسيطة موجودة فى البيت».
