رحلة البحث عن شقة فى حى شعبى: المساحات صغيرة والأسعار نار
شقق سكنية فى إحدى المناطق الشعبية
رحلتهم فى البحث عن مسكن أدمت أقدامهم، ارتفاع أسعار إيجارات الشقق فى المناطق الشعبية أثقل كاهلهم، تطول فترة انتظار شقة مناسبة، إلا أن الخيارات جميعها صعبة، فإما مسكناً مستوفياً للمرافق لكن إيجاره يُنهِك القوى، وإما آخر على قدر المستطاع، لكنه معدوم المرافق والتسهيلات ومعزول بمنطقة نائية وشاق على ساكنيه، وهنا تتعذر الرحلة وتتفرق السبل فى النهاية، بحثاً عن المسكن اللائق، وفى الوقت ذاته «على قد الإيد»، كأبسط مظاهر وحقوق الحياة الكريمة.
«جونى»: تمنها 250 ألف جنيه وعلى الطوب الأحمر كمان.. و«شوقى»: مفيش حاجة بتتحسن والأسعار عمّالة تزيد
جونى كارينوس، 33 عاماً، يعمل بإحدى شركات مستحضرات التجميل، من قاطنى منطقة المرج الجديدة المطلة على الدائرى، استغرق وقتاً طويلاً فى البحث عن شقة تناسب إمكانياته المادية المحدودة: «لما جيت آخد شقة أوضتين وصالة فى حدود 60 أو 70 متر، مالقيتش أقل من 130 ألف جنيه للتمليك والإيجارات من 500 حتى 1500»، تتركز مشكلات الشقق متواضعة الإيجار فى ضيق المساحة ونقص المرافق: «طبعاً التهوية سيئة، ومافيهاش ميّه حكومية، وعلى رشاح الصرف الصحى، حالياً تمنها 250 ألف جنيه وعلى الطوب الأحمر كمان».
لم تَرُق تلك الشقة لزوجة جونى: «قعدت تدور 3 شهور فى شبرا الخيمة مش لاقيين خرم إبرة، لحد ما لقينا بالعافية شقة ضيقة جداً وصغيرة وإيجارها 850 جنيه»، يكمل حديثه: «من 8 سنين كان مرتبنا 1200 جنيه، دلوقتى اللى بياخد 3000 مش مكفيينه، هندفع إيجار كام وناكل ونشرب بكام، ونقضى بقية مصالحنا إزاى».
تنتشر بالمناطق العشوائية العمارات المخالفة: «حالياً العماير الجديدة بتتباع شققها إيجار قديم بخلو 30 ألف جنيه على الأقل، على المحارة، بدون شبابيك ولا سباكة ولا نجارة ولا تشطيبات، يعنى محتاج لى 50 ألف توضيب على الأقل».
محمد شوقى، يعمل بالعلاقات العامة بإحدى الشركات الخاصة، من قاطنى مدينة السلام: «أقل شقة عندنا بـ90 ألف جنيه، وإيجارات شقق القانون الجديد فى حدود 600 جنيه، مع تأمين أول شهرين، وبزيادة 10% كل سنة»، يرى أنه يشفق على أى شاب مقبل على الزواج فى بداية حياته أن يبدأ فى شقة إيجار جديد بتلك الأسعار المرتفعة، خاصة فى ظل التكاليف الإضافية للأثاث: «لازم أكون مرتاح مادياً علشان أقدر آخد الخطوة دى، باضطر أستنى الظروف تتحسّن، ومع الوقت باضطر أؤجل الفكرة تماماً، لأن مفيش حاجة بتتحسن والأسعار عمالة تزيد، وبالتالى بنؤجل الزواج وده سبب تأخره عند شباب كتير».
أما فى منطقة عين شمس، فيعمل محمد سيد جاد سمساراً للعقارات: «المنطقة هنا مربعات، فيه أحياء الأسعار فيها أغلى من أحياء أخرى، فى شارع عرابى مثلاً مفيش أقل من 2000 للإيجار». يتلقى «جاد» عدة طلبات من الباحثين عن شقة صغيرة (غرفتان وصالة)، وتلك يتراوح إيجارها بين 800 و1200 جنيه، لكن فرصة توافرها قليلة، أما بالنسبة للمتزوجين حديثاً: «أنصحهم ياخدوا فى المهاجرين، شقق إيجار جديد، بتبقى 3 غرف وريسيبشن وأسانسير وبواب وإيجارها فى حدود 1400 جنيه فقط».