«هش الدبان» و«مية الترعة».. ملخص حلقة عكاشة على «الحياة»
توفيق عكاشة
استهل الإعلامي توفيق عكاشة، حلقة برنامجه السبت، "مصر اليوم"، ويُعرض على قناة "الحياة"، بالحديث عن وضعيات الجلوس التي يتخذها المواطنون عند مشاهدة برنامجه، قائلا، "هناك جماهير عريضة تتابعني من صعيد مصر، وأيضًا جماهير عريضة من ريف مصر، وأنا شايفهم كويس دلوقتي".
وأضاف "عكاشة"، "فيه اللي قاعد على الكنبة، وفيه اللي قاعد على الأرض وفارش حته سجادة أو موكيت قديمة على الأرض، وساند ظهرة على الكنبة، واللي قاعد على السرير ومغطي رجلية بالبطانية، فيه واحد قالي أنا مش بعرف أتفرج عليك في الشتاء إلا لما أحط بطاطين البيت كلها على رجلي".
من ناحية أخرى، أشاد الإعلامي توفيق عكاشة، بجهود الدولة المصرية بكافة مؤسساتها في القضاء على فيروس "سي" ضمن حملة "100 مليون صحة"، قائلًا: "لحد دلوقتي فيه ناس بتملى القلة من مياه الترعة وعندهم مياه نظيفة في البيت، رغم إن الدولة تبذل مجهودًا جبارًا في القضاء على فيروس سي".
وتابع، "فيه اختلاف رهيب من السنة اللي فاتت للسنة الحالية، الواحد كان بيروح البلد يسلم على 5 أشخاص منهم 4 أشخاص مصابين بفيروس "سي"، وواحد سليم، دلوقتي العكس، بقى واحد مريض وأربعة بصحة جيدة".
وتحدث عكاشة إلى مخرج البرنامج قائلا: "عز رجع تاني يكلم الدبان عبر الإيربيس، الحق عليا يا عز، ده انا جبتلك جاكت في الفاصل عشان البرد". وقام الإعلامي بهش الذباب على الهواء، قائلًا: "هش .. إبعدي".
وكان عكاشة في حلقة سابقة له، قد انفعل خلال تقديمه برنامجه "مصر اليوم" المذاع عبر فضائية "الحياة"، بسبب وجود بعض الذباب داخل الاستوديو، قائلًا: "مش عارف أقول إيه تاني، إحنا لما كنا عيال صغيرة في التلفزيون لو دبانة دخلت الاستوديو دي جريمة، لما يكون في دبانة في أي قناة من القنوات تعتبر جريمة، لكن في البرنامج بتاعي لو عاوز تاخد مكافأة فعليك أن تجمع الذباب.