"التيتة" و"أبلة فاهيتا"
"التيتة" و"أبلة فاهيتا"
ما خلاص وفهمنا التيتة
ورسايل أبلة فاهيتا
إطلعي من دول يا ولية
قال لعبة وعامله عبيطة
حلينا الشفرة تمام
في المطبخ والحمام
وإن كان عالكود السري
تلاقيه معمول برشام
شغلنا متزبط عالي
تسلملنا إيد الغالي
اللي مزبط ومربط
ويحلها ويقولهالي
ده سياسي عظيم وجميل
دارس فن التحليل
بيحلل دم وبول
حفلة منتصف الليل
كمل تحليل بشطارة
وإلبس.. قصدي النضارة
تسلملي إيدينك ياللي
لفيتله أعلى سيجارة
