م الآخر| مصر المصرية بتنادي

دمك دمك أرضك عرضك اوعى تسيب الغدر يهدك اوعى تسيب الفرقة تشلك ** بلدك بلدك حلوة صبية وصت شعبك وصفة وصية قوم يا بني وشيل عني حلم سنين ** اخرج لبكرة م الضنين شيل غمامة السكرانين نفض عيونك الطيبين ** بكرة ده فكرة ركنه ف صرة فك الصرة تنط السرة تنزل مطرة تنهض بلدك تصبح حرة تزرع تقلع تصنع تشبع ترمي وراها ظلم سنين ** كنت تبص تلاقي النص ماشي يقص وهاتك مص وأجمل نص ف الجرانين ** كنت تلائي عضم بوائي وده عشوائي وده خنائي وده سجان البني آدمين ** اقطع إيدك اقطم ضهرك أكلك هضمك باعك صرفك ماسح حتى سمار النيل قتلوا الشمعة ف وسط الليل كانت حبلة ف حلم جميل ** رجع مجدك وارفع رأسك أملك هدفك صوتك حقك دمك دمك أرضك عرضك اوعى تسيب الغدر يهدك اوعى تسيب الفرقة تشلك