«أمنية» داخل مصنعها
نجحت فى تحويل موهبتها من مجرد صفحة على موقع «فيس بوك» تعرض فيها منتجاتها، إلى مصنع للإنتاج، أمنية حسن، 25 عاماً، تحدت نفسها لعمل تصميمات للملابس بجودة مناسبة، وأسعار على قد الإيد: «بدأت التخطيط للفكرة منذ 2016، وأخدت كورسات مختلفة لتعلم التصميم، والمشروع كبر معايا بدون أى تخطيط».
60 ألف جنيه هى تكلفة المصنع الذى أقامته بالتعاون مع شركائها: «فى البداية كان البراند بتاعى مجرد صفحة على الفيس بوك، بنزل فيها تصميمات وبعمل أوردرات وأنا اللى بشحنها بنفسى، نزلت أوبن داى كتير عشان أنتشر ويبقى ليا اسم، الناس بقت تيجى تسأل عن البراند بتاعى، وده كله فى وقت قليل جداً».
«رداء» هو الاسم الذى اختارته «أمنية» ليعبر عن البراند الخاص بها: «ما بدأتش أعمل كوليكشن ملابس كامل فى البداية، بدأتها بالتدريج جيبات، دريسات، وبعد كده كان لازم أنوّع عشان الناس بقت معاها كل القطع بتاعتى وكل ألوان الجيبات، طب هيشتروا منى إيه تانى، إيه الجديد اللى هقدمه».
مرت «أمنية» بعدة صعوبات فى عمل مشروعها: «ماكنتش لاقية مكان، كنت باعمل ستاند فى بيتى، وكانت بتواجهنى مشكلة إن الخامات أسعارها عالية جداً، وعاوزة أعمل الملابس بجودة مناسبة وفى نفس الوقت تكون بأسعار مهاودة تناسب السوق».
تعليقات الفيسبوك