أطراف وعجلات متحركة للكلاب المشلولة.. والتكلفة 450 جنيهاً

08:43 م | الأحد 07 يوليو 2019

تأثره بالإصابات التى يراها فى الشارع بين الكلاب والقطط دفعه لتقديم يد العون والمساعدة لها، وتوفير أطراف صناعية تساعدها على الحركة وتمنع عنها الكثير من المخاطر التى من الممكن أن تتعرض لها.

محمود عبدالعزيز، صاحب الفكرة، يقوم بصنع أطراف وعجلات متحركة بالتعاون مع صديقته نور عزيز: «الفكرة بدأت من زيارتى للملاجئ الخاصة بالحيوانات، كنت بلاحظ إنه فيه حيوانات مصابة بالشلل وفاقدة القدرة على الحركة، وفى الشارع باشوف حيوانات بتزحف بجسمها لأنها مصابة ببتر يعوق الحركة، فقررت أساعدها».

"محمود": نقدم 10 حالات مجاناً لحيوانات الشارع

يصنع «محمود» الأطراف بنفسه عن طريق القيام بعدة خطوات: «فى البداية بجيب حديد وباقطّعه بعد ما باخد المقاسات المطلوبة، وبجيب عَجَل عادى بتاع لعب الأطفال من منطقة العتبة، وباركّبه بطريقة معينة، على حسب المقاس الخاص بالكلب أو القطة»، ووفقاً لقوله فإنه بدأ تطبيق الفكرة فى منطقة الشيخ زايد: «بعد كده اتعَرفت وبقى أى حد عنده حالة معينة بيجيبها وبعمل لها الطرف اللى يساعدها على الحركة»، مضيفاً أنه كل فترة يقوم بعمل 10 عَجَلات متحركة مجاناً لقطط وكلاب بالشارع.

معظم الحالات التى عُرضت على «محمود» فقدت القدرة على الحركة بسبب كسر فى العمود الفقرى: «العمود الفقرى بتاعهم بيكون ضعيف جداً، أى خبطة بتأثر عليهم، وعلى أعصاب الرِّجلين تحديداً، وبعد كده ما بيقدروش على الحركة».

تتراوح أسعار العَجَل المتحرك بين 400 و450 جنيهاً: «بعمل الفكرة بنفسى، وفيه أصدقاء بيشاركوا معايا، كله بالجهود الذاتية، وهدفنا الأساسى هو مساعدة كلاب الشارع، اللى مالهاش صاحب يساعدها أو يخلّى باله منها».