بالتقسيط المريح.. مبادرة لتشجيع المواطنين على ركوب العَجل

07:12 م | السبت 27 يوليو 2019

«10 دراجات هوائية شهرياً بالتقسيط المريح»، مبادرة طرحتها بعض المعارض فى الهرم، بهدف مساعدة أهالى المنطقة على شراء الدراجات، خاصة بعد الاتجاه إلى استخدامها كبديل عن السيارات مع تحريك أسعار الوقود.

مدحت محمد، بالتعاون مع زميله كريم القماش، نفذا الفكرة معاً: «الفلوس اللى الناس بتوفرها من عزوفهم عن استخدام المواصلات، بيدفعوها فى التقسيط المريح، وأهو منها رياضة وتوفير».. حسب «مدحت»، الذى أكد أنه منذ طرح الفكرة وشركتان تتسابقان فى جذب الزبائن: «هو خير لصاحب الشركة زى الزبون، لأنه هيبيع أكتر، بدل ما العَجل كان مركون فى المخازن ومحدش بيستخدمه، أصحاب المحلات مبسوطين والإقبال جيد».

أسعارها تتراوح بين 2000 و5000 جنيه

وتتراوح أسعار الدراجات بين ألفين و5 آلاف جنيه: «الفكرة شجّعت ناس كتير على الرياضة، وإنهم يحافظوا على صحتهم، وبيوصلوا الشغل فى زمن قياسى، لأنهم بيتجنّبوا زحمة الطريق والمواصلات، هو ملك نفسه وسرعته، مش شايل هم انتظار وسيلة مواصلات، ولا زيادة سعر بنزين».

لم تقتصر المبادرة على منطقة الهرم، فحسب تأكيد «مدحت»، أن شركات التوصيل فى المنطقة، تعاونت معهم من أجل تشغيل بعض الشباب ممن حصلوا على دراجات للعمل فى خدمة التوصيل.